آخر تحديث للموقع :00:28


قبول أول دفعة لجامعة المغتربين المثيرة للجدل

عدد من نواب البرلمان اعترضوا على إنشاء جامعة المغتربين
أعلن جهاز تنظيم شؤون السودانيين العاملين بالخارج، قبول أول دفعة لجامعة المغتربين العام القادم، بدءاً بكليات الطب والهندسة والاقتصاد. وأثار قانون الجامعة لدى مناقشته في البرلمان جدلاً عندما رفض نواب إنشاء جامعة تميز بين السودانيين.


وقال نائب الأمين العام لجهاز السودانيين العاملين بالخارج د.كرم الله علي عبدالرحيم لوكالة السودان للأنباء، إن جامعة المغتربين ستعالج مشكلة الشهادة العربية ومعادلتها، وستخصص 60% من المقاعد لأبناء المغتربين و40% لحملة الشهادة السودانية.


يذكر أن البرلمان أجاز في 21 ديسمبر الماضي قانون جامعة المغتربين لسنة 2009م والذي احتوى على 38 مادة بعد جدل مكثف، عندما رفض عدد من النواب فكرة إنشاء جامعة خاصة بأبناء المغتربين وتمييزهم عن بقية أبناء السودانيين، ووصفوا الجامعات السودانية بالتدهور، مطالبين بتقوية الجامعات القائمة.


وجاء قرار إنشاء جامعة المغتربين تنفيذاً لتوصية مؤتمر المغتربين الخامس الذي وجد التأييد من الرئيس عمر البشير لمساهمته في معالجة قضية قبول أبناء المغتربين وتحقيق رغباتهم في القبول بالجامعات السودانية.



سونا


التعليقات (36)
  • mubark8  - غريبة الدنيا
    بقروشك ممكن تعمل أي حاجة اولاد المغتربين العاملين ليهم جامعة بالقروش أنا من أكتر
    الناس ادريس ليهم و انا معايشهم و الحقيقة المرة انهم أضعف من انهم يدخلوا حتى
    الجامعة الهزيلة حقتهم و هم طبعا مقابل مبلغ معين راح يدرسوا بدون معالجو يعني
    الواحد يجيب في المنهج السعودي مثلا 99% يدرس طب فورا و صدقوني النمعادلة الصحيحة
    أقل من 50% من النتيجة دي لان الدرجات هنا تعطى حسب وجود الطالب في قائمة التدري
    الخاص للمدرس بالذات اذا كان المدرس سوري او جبذا مصري مقابل 2000 ريال ممكن يوصلك
    ال 99% بسهولة ف بالله زي ديل ياتوا جامعة خاصة او بالقروش او بالامتيازات ممكن
    تصلح وضعهم
    أولى يكون الحل جذري و خلونا مرة نبعد عن الطبطبة
  • ahmed  - حرام علي
    هذا التلفيق ستسأل عنه يوم القيامة - هذا أذا كنت تؤمن بالحساب و تخشى ربك أصلا --
    استغفر الله من الكذب و القذف
  • ِعبد الله  - المغتربين ديل ما تعرفوهم ألا عند اللهف
    المغترب عدو الشعب و لا يعترف به بعض الناس مواطنا ألا عندما يتعلق الأمر بفلوسه -
    ففي هذه الحالة يصيرابن البلد و عليه اطعام الجائع و كسوة العريان و قبل البترول
    كانت كل ميزانية البلد من فلوس جبايات المغتربين و حتى الان المغترب يدفع أضعاف ما
    يدفعه غيره للخدمات التي تقدم لكل مواطن سوداني بما في ذلك تعليم أبناءه - و أخونا
    مبارك لحم كتفو من عرق المغتربين و معاناتهم
  • فائز محمد  - اذا لم تستح فافعل ماشئت
    المؤسف انو الاخ الذى اختار لنفسه ان يسمى نفسه مباركا اختار فقط الرقم ثمانية
    للاشارة للبركة او الزيادة. ياخى الارث الثقافى حقنا رحب وكان بامكانك مثلا ان تضيف
    جملا. ولست ادرى اهى نستالجيا وترجيع لانماط من التاريخ عفى الدهر عنها.



    لا اظننى بحاجة للتعليق على مساهمات الاخوة الذين استفزهم التعليق الغير لائق من
    الاخ مبارك الثامن ولكنى اقول: مايقدمه كل مغترب تجاه وطنه او اهله او عشيرته هو
    ضرب من الواجب تميز به اهلنا الطيبون على كثير من الشعوب. وهذا الامر نقوم به من
    غير منة ولا فضل اذ المال مال الله سخره فى ايدينا واكرمنا بانفاقه على تلك الوجوه
    عسى الله ان يقبل ويبارك.



    الكل يعلم ويشهد ان مساهمة المغتربين على المستوى الاسرى كان لها الدور الاكبر فى
    تخفيف المعاناة والبلاد فى حال مخاض متعسر وعدم استقرار دفع ثمنه كل من ليس له لباد
    او ينام على ريش. ولعله كان بالامكان توظيف اموال طائلة متاحة لدى المغتربين لانشاء
    مشاريع وخلق مناخ جاذب بدلا من توجيهها الى اسواق العقار فى دول الجوار او تجميدها
    فى استثمارات لااقول جبانة ولكن حذ...
  • ابو محمد  - السعودية الرياض
    انا اوافق الاخ مبارك فيما ذهب اليه عن المستوى الاكاديمي للاشهادات العربيه فهي لا
    تتعدى ال30 في المئة مقارنة بالشهادة السودانية طبعا هذا للطالب الذي اجتازها
    اعتمادا على قدراته وحسب علمي وبحكم ان اخي يعمل مدرسا بالسعودية فقد ذكر لي ان
    كثيرا من الطلاب يلجاؤن الي الاساليب الملتوية للحصول على نسب عالية وعلى ما اذكر
    ففى سنة 90 عقب ثورة التعليم العالي انضم الي الدفعة بتاعتنا بكلية الاقتصاد جامعة
    الخرطوم عدد طلاب الشهادة العربية كانوا يدرسون بجامعات الهند ومصر وقبرص وعندما
    نتناقش معهم والله يؤكدون لنا انهم في الرياضيات لم يسمعوا بالفرق بين مربعين ولا
    عن تحليل المربع الكامل ناهيك عن النظريات الرياضية ولا مانع من قبولهم ضمن النظم
    المناسبة فتخصيص جامعة خاصة بهم في راي هو تكريس للجهل وابعاد لهم للاندماج في
    المجتمع السوداني والذي احسب ان الكثير منهم يجهلونه
  • ابوعبيدة
    الأخ الكريم / مبارك المحترم

    السلام عليكم ورحمة الله وبركاته ،،،،

    متحامل كثيراً على أبناء المغتربين وشديد اللهجة بالنسبة للامتحانات ما اعتقد
    ان كلامك ده صحيح انا شخصياً درست في السودان وكملت باقي الدراسة الثانوية في
    الخارج والمرحلة الجامعية بالسودان إلى ان حصلت على درجة الماجستير هذا كله ليس
    بالمال كم تدعي بالجهد والرغبة وسهر الليالي لذلك اراك اجحفت حقاً في هضم ذكاء
    المغترب السوداني 0

    إذا كان الموضوع ده حصل لك ولأحد من اصدقاءك فليس من الصحيح التعميم على
    الجميع 0

    ولعلمك بأن رسوم الدراسة بطاردونا فيها مطاردة ودي حقيقة 0



    شكراً جزيلاً 0

    ابوعبيدة
  • ابوعبيدة
    الاخ / ابومحمد المحترم

    السلام عليكم ورحمة الله وبركاته ،،،



    ( الهند ومصر وقبرص ) ، هل ناقشت الطلاب الذين درسوا في الخليج أنا شخصياً الفرق
    بين مربعين وتحليل المقدار الثلاثي والفرق بين مكعبين والمثلثات والهندسة الفراغية
    وكل ما يختص بالرياضيات والهندسة درسناه فإذا وجدت اي حد قال ما درس هذه الاشياء
    يكون اصلاً ما درس في الخليج ولا يكون عنده مدرسة خاصة به 0

  • محمد زين محمد عمر  - المملكة العربية السعودية / الرياض
    اولا فكرة انشاء جامعة خاصة بالمقتربين انا براها فكرة ممتازة رغم ان الفكرة جات
    متاخرة واشكر الذين طرحوا الفكرة والذين قامو بالتنفيذ ولكن سؤالى هو هل بنفس
    المبلغ الذى يدفعة طالب الشهادة العربية فى الجامعات السودانية والتى اثقلت كاهل
    المواطن السودانى الموجود فى بلاد الغربة والذى يكون اكثر من واحد بدرس فى الجامعة
    اما ان الاوان ان تخففوا على هذا الوالد الذى يتعاطى راتبا فد لايقضى للعيشة فى ارض
    المهجر ومع ذلك تضاف علية مصاريف اضافية .
  • د/مصطفى ابراهيم زيدان  - ياريت قروش المغتربين توظيف فى غير
    انا كنت استاذ جامعى باحادى كليات الطب الاقليمية طالبة دخلت الكلية بمعدل كبير بس
    لا تعرف حتى انو الصرصور من الثديات ام من الحشرات ؟؟؟؟ ياريت عشان نواكب الطفرات
    العلمية والعالمية ان نرجع جامعاتنا الى مستواها العلمى المعهود انا صحيح مناذى من
    ضيق الفرص لابنائنا بس مش على حساب الجودة اكرر الجودة ثم الجودة عشان ما نعلق
    الاخطاء على انهاء قضاء وقدر لا ثم لا ثم لا!!!

    لازم الالتزام ثم الالتزام مع الجودة العلمية والله ولبلادنا التوفيق اميييييين
  • محمد عباس  - لماذا
    لماذا مثيرة للجدل فأبناء المغتربين عانو معاناة طويلة لا مجال لهم فى الجامعات
    السودانية وان وجدت فهم يدفون وتقوم الان الجامعات على ما يدفعه ابناء المغتربين
    اما عن نجاحات ابناء المغتربين والله العظيم احد الدكاترة المحاضرين فى احدى
    الجامعات العريقة قال لى طلاب الشهادة العربية الان هم افضل من طلاب الشهادة
    السودانية
  • osama  - أرجو أن نتكلم بمانعلم !!!
    يا أحباب الغريب شنو فى إنشاء هذه الجامعة ؟؟؟؟ المغتربين عايزين يعلموا أولادهم
    تماما زى ما انتو اتعلمتوا واولادكم بيتعملوا على نفقتهم من الضرائب ال بدفعوها
    للدولة ...أما الأخ دفعة 90 اقتصاد الخرطوم ال بتكلم عن أبواب الرياضيات المنهج
    التعليمى ال هو بيشوف ال مادرسوا مادرس رياضيات !!! عزيزى أنت ليس من يقرر جودة
    المنهج من بلد إلى آخر .. فمثلاً هل درسته مايدرسه طلاب الثانويات فى اروبا او
    امريكا ؟؟؟ وبالمناسبة الحقيقة تقال مناهجنا حقيقة عفى عليها الزمن وشرب ولعلاقتى
    بمادة الفيزيا للمدارس الثانوية والله وجدته فى المنهج السعودى مالم أسمع به فى
    منهجنا السودانى مع العلم أنى شهادة95م .. والذى يتحدث عن أن أبناء المغتربون
    يدرسون بالفلوس فى اشارة لتقليل شانهم أقول لك عزيزى لو أردت تدرس فى أى بقعة من
    الأرض من العالم لا توجد جامعة تقبل طلابها مجاناً هذه معلومة لابد تتحقق منها فى
    بعض الدول هنالك مساعدات حكومية لمواطنيها وهنالك منظمات طوعية تقدم منح للمتفوقين
    والمحتاجين من الطلاب هذا ما أعرفه وأرجو أن لانتكلم بما لانعلم ..

    أسامة مح...
  • ابوقمبار  - هي ربما تكون الحل الناجع
    بكل فخر واعتزاز هي حل لمشكلات المغتربين وتعليم ابناءهم لانهم عانواا ما عانووا في
    تعليم ابنائهم مع اقترابهم عن الوطن والاهل والمشاكل التي عاشتها هذه الفئة
    المغلوبة علي امرها من عدم تعليم وما الي ذلك من مشاكل منها نقص درجات الطالب ودفع
    المبالغ التي ترهق اصحاب الاموال مما دعى الغالبية لترك التعليم والالتحاق بالاعمال
    البسيطة التي لا تحتاج لمؤهلات علمية عالية

    عموما هي خطوة مباركة نباركها ونؤيدها ونقف خلها حتى تصل لمبتقابها وان شاء الله
    مشروع ناحج لك السودان ويحل مشاكلها ان شاء الله
  • عبدالعزيز زمراوي  - المملكة العربية السعودية .جدة
    ليه الناس بتظر للمغترب على انه ما سوداني ولا وطني مع انه اكتر ناس نفعت السودان
    كانو مغتربين ثم انه الشخص يدرس بفلوسه وين المشكلة اي مكان في العالم الشخص بيدرس
    بفلوسه نتمنى انه الناس تطيب خاطرها وما تاخد موقف سئ عن المغتربة وتبقى غربة بلد
    وناس واهل
  • مجهول
    hnmfxnxth
  • مجهول
    Who know Kartoum University order between world universities, no Arabic
    Universities, let us say between African universities, DISCUSTING
  • ابو عسجد  - الى متى الخيار والفقوس
    اعتقد انشاء جامعة خاصة للمغتربين اكبر خطأ يرتكبه المسئولين وسوف يفاقم مشاكل
    ابناء المغتربين المتخرجين ولايساعدهم كثيرا ، لان الخريج سوف ينظر اليه بانه شهادة
    عربية وفي نظر الكثيرين انه ليس مؤهل تأهيلا كاملا . الحل هو قبول الطلاب في
    الجامعات السودانية زيهم زي غيرهم من حملة الشهادة السودانية وامتحانات الحامعات هي
    الفيصل النهائي ، كما ان ذلك يعتبر رد لجمائل الاخوة المغتربين الذي حملوا السودان
    لسنوات وسنوات بتوفير العملات الصعبة للدولة ، متى تكافيء الدولة المغتربين ...؟!
    هذه مشكلة لابد من ايجاد الحل النهائي لها ولا تجدي الحلول الجزئية .
    تحياتي /مقيم في السعودية من العام 1988
  • ننوش  - الرياض
    السلام عليكم
    في البدايه احب اشكر جميع من ساهم على انشاء هذه الجامعه من مسؤلين ومدراء وغيرهم
    انا ماعارفه الناس بتنقد الجامعه ده ليه علشان للمغتربين وفيها شنو مش احسن ما
    يسمعو في كل مكان شهاده عربيه وغيرو نحنا مظلومين في كل شي في الجامعات في كل حاجه
    فاكرين انو الناس العايشين بره خلاص مرتاحين وزيهم مافي في الراحه في ناس والله
    مابيقدرو يدرسو اولادن في الجامعه ولا يطلعو اولادن من الجامعه بسبب الاقساط
    الكتيره الي قاعدين يدفعو
    ماكفايه الظلم الي احنا عايشينو في الغربه والتفرقه والعنصريه نرجع بلدنا نلقى فيها
    برضو الظلم ده ويوم ماعايزين نرتاح بالجامعه دي عايزين تنتقدو والله احنا كمان
    قرايتنى هنا صعبه ولو في مدرسين خصوصين زي مابتقولو في السودان كمان حدث ولا حرج
    علشان كلامك في قرايتنا عملو امتحان القدرات الي مافي زول بيقدر يعدي منو
    فاخلونا نفرح بالجامعه الي حتردلينا شويه من التعب الي احنا شفنا وبتقولو اسم
    الجامعه فيها عنصريه وتفرقه طيب وين الكلام ده لمن ندفع اكتر من الشهاده السودانيه
    والتعامل معانا بيكون غير الشهاده السودانيه دي ...
  • ريم
    ياتو قروش يامبارك الي بتجيب نسبه وعاملين اختبار القدرات لي شنو علشان الي زيك
    مايلفق اي حاجه على الناس ولو جيت على القروش انت اي حاجه في السودان ممكن تشتريها
    بقروش حتى الشهاده ممكن تشتريها بقروش لاكن اتحداك في الخليج في كده
    الناس يقرو ويتعبو في النهايه تقولو قروش ده ماظلم عليكم الله
  • ريم
    والله ياننوش كفيتي ووفيتي اتكلمتي بلسانى كلنا
  • سودانية
    السلام عليكم

    مالكم هجمتوا على مبارك كده لكن والله يستهال

    المهم انا حبيت اقول اني ممتحنة وايام الامتحانات اتعب عشان اجيب نسبة اما ناس
    السودان ال......... محسبننا بنشتري الشهادة او بيعطونا اسئلة الامتحان قبل
    الامتحان المهم حسبي الله ونعم الوكيل تراها تفيد



    شكرا ريري
  • الاء عماد الدين  - الي ماعارف يقول عدس
    السلام عليكم...

    انا طالبه في الصف الثالث ثانوي قسمعلمي وشهاده عربيه وسعوديه كمان اقول للاخ مبارك
    وغيرو من امثالو انو والله انت واحد جاهل وباين عليك الجهل من كلامك لانو نحنا
    بنتعب والنسب بنجيبه بالجد والاجتهاد والسهر والمذاكره مش بالفلوس وانت الان لو
    جبت ليك المنهج السعودي حتسقط فيه وطلاب الشهاد العربيه اشطر واذكى واحسن من طلاب
    السودان وانت شكلك محروق من المغتربين شديد لكن الله لايسامحك على اتهامك الباطل ده
    وانت اسه تلقاك بتبلبص للمغتربين

    حاله والله حاله
  • احمد حامد ادم الطيب  - ويتحدث الرويبضة
    بسم الله الرحمن الرحيم

    انا كنت طالب شهادة عربية من السعودية وانا عاوز اوضح بعض الحقائق وارجو ان يتسع
    الاخوة لكلامي المستفز

    انا اقبل ان اقارن شهادة غربية بشهادة كبيرة من بلد محترم زي بريطانيا امريكا كندا
    فرنسا السويد اليابان لكن ان يقيم طالب الشهادة العربية بمنتهى العنصرية واكرر لا
    اقصد السودان الوطن العزيز البفخر به بقصد الوطن الفيه استغلال وفساد اول حاجة
    الشهادة السودانية من افشل و اكثر الشهادات تخلف في العالم كله وانا شفت الطريقة
    التي من خلالها يعيش الطالب اجواء الدراسة الثانوية وغالبية المدارس بتعتمد على
    الدروس الخصوصية ناهيك عن التعليم الجامد المتخلف المنحط في المدارس والجامعات
    السودانية وانا بطلب من كل مغترب ما يغلط ويدرس اولاده في السودان عندكم ماليزيا
    والصين وغيرها السودان غير حيجيب لكم مرض وامراض نفسية وغلاء وما تهتموا بكلام ناس
    السودان
  • عربية  - هههههههههه
    انتو لسع كل واحد بيبدي برأيه؟ من غير اي فايدة ما في احد سامع كلامكم ولااحد
    حيطبقه .الناس وصله القمر والسودانين السمحين لسع قعدين يفكروا يقبلوا المغتربين
    ولا لا. والله ماادري من الجمال اللي في السودان ولا من التطور اللي فيه اذا الدول
    الحلوة امتطورة و(النظيفة) بتقبل الناس في جامعاتها فاذا هذا اذا دل يدل على النقص
    هم خليهم ينظفوا الشوارع بعدين يقولوا جامعات







    سودانية وافتخر ههههههههههه حسبي الله ونعم الوكيل
  • محمد عبد الكريم  - السودان
    كومة شئون العاملين بالخارج ووزارة التعليم العالى ( لايؤمنون باللغة العربية
    ولاالدين التى أتت به ولذا يحتسبون النسبة حسب أيمانهم. رغم أن العكس هنا الدراسة
    للغة والدين مكثفة وهذه محمدة كبيرة) ثم كان يجب أن يكون القبول 100% لا بناء
    المغتربين لماذ؟ والسؤال يجيب هل خصصت نسبة لابنا ء المغتربين بالامعات ماشاء الله
    التى ملأت البوادى والحضر؟ أى لؤم وحقد بعد ذلك ؟

    والناس العارفة الشغلة جابت حقها بضراعها؟ بالسلاح؟ وبزيادة
    كمان؟؟؟؟؟؟؟؟؟؟؟؟؟؟؟؟؟؟؟؟

    واى مجلس هذا الذى يتحدث بالا ينفرد اسم المغتربين بجامعة؟ ألم يسمعوا باسماء
    الجامعات الأخرى وهل قتلوا بحثا ماهو أمامهم من امور جسام فى مصير الوطن ولا
    الزمن قرب لصرف المستحقات بدون عناء ونصب غيب وصفق واصرف $ لكن زى ماقال المثل
    وبعد كل هذه الجبايات التى سترت الحال واستمتعوا بها ( هذا جزاء سمنار. أخذونا لحمة
    ورمونا عضم ولكن للمغتربين رب يحميهم ياطبالى أبرهة؟؟؟؟؟؟؟؟؟؟ وتمتعوا
    قليلا؟؟؟؟؟؟؟؟؟؟؟؟؟؟؟؟؟؟
  • محمد عبد الكريم  - السودان
    الى مبارك : صاحب التعليق 23

    أنت حائز على شهادة معينة تمكنك من ترداد مادرست ولكنك لست بمعلم للأسباب الآتية:

    1- المعلم المدرب تدريبا تربويا بعد التحصيل العلمى ولى زمنه (اذا كان تعليم عام
    أو خاص) وراح واسألوا أهل الذكر ان كنتم لاتعلمون؟ وأصبحت العملية تكسب ومعايش
    وربنا يوسع عليك.

    2- اذا كنت معلما تحمل أمانة دنيوية وأخروية لهذه الأمة عليك اثبات ماقلت للجهات
    المسؤولة وتثاب عليه بأذن الله. والا لاتتهم الناس بالباطل وهذا اثم عظيمز واذا صح
    يطوق به عنقك لأن الجيال التى تتقدم تقوم بأمساك زمام مسؤولية المجتمعات على أعلى
    المستويات وفى أخطر القرارات فى شتى مناحى الحياة

    فأنت مسؤول عما قلت ؟ فأنت تتكسب بأى وسيلة ولست بمعلم شأنك شان وزرارة التعليم
    العالى فى السودان وغيرهم ( لايؤمنون باللغة العربية ولا الدن الذى نزل بها) ولذا
    يخصمون ويختصمون وللمغتربين رباط جاش ويأتى اليوم الذى ينصفون فيه؟ وكل ناكر جميل
  • أم طالبة شهادة عربية  - الامارات - دبي
    أولاً فقط أريد أن أتحدث عن الذي يقال عن أبنائنا وبناتنا فيما يسمى بالشهادة
    العربية ... فأنا أولادي درسوا بالأمارات وكانوا من المتفوقين ... وأحرزت إبنتي
    95.5 % علمي وطبعاً لم تنافس في القبول العام وهي الآن تدرس قبول خاص وأود أن أقول
    لكم إنها الآن الأولى على الدفعة .. وكل الناس في الجامعة مستغربين شهادة عربية
    والأولى على الدفعة ؟؟؟ وهي مصرة إنها تثبت للكل إن شهادتها التى أحرزتها بتعبها
    وجهدها وبدون دروس خصوصية أحسن من الذين درسوا في السودان وفعلاً أثبتت ده فعلاً
    ... وكانت لديها فكرة أن تعيد السنة بالسودان حتى تثبت للناس أن الشهادة السودانية
    ليست إلا شهادة كباقي الشهادات إذا لم تكن أقلها ... ليس كل من درس شهادة عربية
    ضعيف في التحصيل الدراسي .. فإن الدراسة هنا لا تقل عن الدراسة في السودان بأي حال
    من الأحوال بل هي أفضل والمناهج يتم تطويرها دائماً ...



    وفي الختام سلام من أم طالبة شهادة عربية وحسبنا الله ونعم الوكيل ....
  • شهادى عربية
    السلا عليكم

    بما انكم متحمسين مع جامعة المقتربين ممكن تقولولي ايش التخصصات اللي فيها؟ وهل
    فيها طب اسنان ولا لا؟ اما في رأي عن الموضوع فهو حسبي الله ونع الوكيل
  • محمد محمود سعد الدين
    والله يا اخونا مبارك انت ظلمتنا كتير
    اولا حاليا تطبق علينا في المملكه العربيه السعوديه انظمه صارمه ربما تجعلها من
    اقوى الشهادات
    1-تجمع نسبة الصف الثاني والثالث وتقسم على اثنين ثم تكون فقط تساوي 60% من نسبة
    الشهاده
    2- اختبار القدرات العامه الذي اتحدى ان يقوم بحله اي طالب سوداني في عامة السوداتن
    وعليه من النسبه 15%
    3- اختبار تحصيلي والذي يقوم بجمع محصل الطالب في المرحلة الثانويه ويكون عليه 25%
    من النسبه
    كما يتم التصحيح في مركز القياس المطابق للمواصفات العاليه
    ويتم تصحيح الاوراق في وزارة التربيه والتعليم وهذاااااااااا كلووووو وتقول ما
    يستاهل
    اتق الله يا رجل
  • مجهول
    انت واحد متخلف يا مبارك حرام عليك احنا في السعوديه بنقرا اكتر من اللي في السودان
    اعرف انت بتقول في شنو قبل ما تتكلم
  • عمار صلاح  - الله يمرقك من كربتك يا وطني الغالي
    والله مبارك دا انسان تعسفي حاسد , الناس مدعوكة برا وتسف التراب كان في الشغل ولا
    القراية وانت مقضينها جكيس ولعب فاضي وتجي تقول كلام فاضي زي دا والله في ناس خاشين
    قبول خاص لكليات الهندسة في جامعة السودان بسبب التعسف الحاصل و بعد دا طالعين من
    اوائل الدفع ّ,وغيرهم قبول عام يشيلو ويعدو , برنامج القبول الخاص برنامج فاسد من
    اساسه هدفه السف ولا اكتر , اذا انت ما قبلت الواحد عشان تقديرو ونسبتو قبلتو عشان
    فلوسو , الكلية يكون فيها 100 كرسي ياخدو 35 كرسي بس عام يعلو به النسبة وصدقوني دي
    قروش حرام 100% على الحكومة .لانها نوع من ابتزاز الذات السودانية لاقرب حقوقها الا
    وهي التعليم الناس في الخارج بيتعلمو في الخارج باقل من نسب البيخشو بيها السودانين
    في بلدانهم وبيدفعوا ليهم الحكومة مصاريفهم كاملة , السودان مابلد فقير كفاية
    الغمامة الخاتنها على الناس عشان يسفوا البلد ,والله البلد اللي فيها مافي دولة
    جوارها ولا في دول الخليج .وانت يا مبارك السوداني مامحتاج يدفع عشان يجيب السوداني
    محتاج روقة بال والبعد عن المصايب البتواجه العيشة في السودان لوجيت ه...
  • عمر وكيل بلمات  - جدة - المملكة العربية السعودية
    اود ان اساهم فيما سبقني اليها كل الذين ادلوا في موضوع انشاء جامعة المغتربين حسب
    الاراء التي وردت مؤيدة كانت اما معارضة حتى انا البعض تنحرف عن جادة الطريقة من
    حيث تبدلت الاتهامات الشخصية و انا اعتقد بان لا نرمي اللوم على بعضنا البعض و يجب
    ان نكثف الكتابة و النقد الهادف لاقتناع المسئولين اولا لماذا هذا التعامل الغير
    عادل بين ابناء الوطن الواحد لماذا التفرقة ؟ لماذا زراعة احاسيس عدم الانتماء الى
    وطن واحد ؟ لماذا عدم اعطائهم الاحساس بانهم غرباء في بلادهم ؟ كم كم من مثل هذه
    التساؤلت و ما هو الذنب الذي جنوه ابناء المغتربين حتى يتعرضوا لمثل هذه العقوبات ،
    الا يكفي ما عاناه ابائهم بعد ان خدموا الوطن لسنوات وكانوا يحملون الوطن في حدقات
    اعينهم فكانوا خير من عمل في الخدمة المدنية و كافة المجالات العملية و لم يتركوا
    السودان الا بعد ان ضاقت بهم سبل الحياة , لقد غادروا السودان كرها وليس باختيارهم
    و مازالت الحسرة دفينة في الاعماق في انتظار الفرج الاكبر وهو الرجوع الى ارض الوطن
    على احر من الجمر لاننا عانين الكثير و لم نبخل على الدولة بشئ فقط ع...
  • السر الجقير  - المملكه العربية السعودية الطائف
    ما لا يعلمه الاخ مبارك هو بان المغتربين وخاصة فى عهد ثورة الانقاذ بان هذه
    الثورة قامت على اكتاف المغتربين نسبة لما تحصلت عليه من اموال فى بداية عهدها ولو
    لا المغترب لما كان هناك رواتب كل الدبلوماسيين فى انحاء العالم وما قلته عن
    التعليم لابناء المغتربين فهم لهم الحق فى قيام جامعة خاصة بهم وذلك للظلم الذى
    احاق بابناءالمغتربين لفترات طويلة وثم عليك ان تخاف من الله مما قلت دون دليل او
    تأكيد بعدم ذكاء الطلبة وحصولهم على الدرجات من قبل الاساتذة وليكن فى معلومك الان
    كل المعلمين سعوديين وابناءنا يجدون مضايقات حتى لا يكونوا متفوقين على ابناء
    السعوديين فحاف الله فيما قلت ..
  • صالح ابو محمد  - تعليق على كلام الأخ مبارك
    ياخي يعني انت عايز تقنعنا ان مستوى الطلاب في السودان يعني احسن من الطلاب
    البيقرو في الخليج؟ معنى كدة انك مع الأسف الشديد ما عندك اي فكرة . كلامك صح فقط
    في مادة التاريخ حيث ان ابناء المغتربين لم يدرسو تاريخ السودان لكن يا اخي تعال
    شوف باقي المنهج و الله منهج ما فوقو اي كلام . و منو القال ليك ان اولاد المغتربين
    بيدرسوهم مصريين و سوريين يا خوي الكلام دة انتهى من قبل عشرة سنوات و اكتر الان
    جميع المدرسين من اهل البلد و ما عندهم خيار و فقوس اسالني انا و مافي 99% غير
    بمجهودك. عندي 5 عيال في المدارس هنا في السعودية و انا عارف البيحصل بالضبط.

    نرجع لأبناءنا الدارسين داخل الوطن مع احترامي الشديد لهم جميعا الا انهم ليسو
    بالنوابغ او المخضرمين و لا يحزنون المستوى العام للطلاب في السودان مع الأسف متدني
    جدا و دون المستوى الذي كنا عليه في زماننا و دي مشكلة ليس لهم يد فيها و لكن السبب
    في هذا كله يرجع الى تدني السياسة التعليمية في السودان عامة و انعكس ذلك على مستوى
    الطلاب و الخريجين. انا مهندس ميكانيكي و ارى ذلك جليا عندما اقوم بعمل المعاينة
  • أبومهيلة  - السعودية..
    للحقيقة فقط...... تابع المائة الأوائل لشهادة الأساس والمائة الأوائل في الشهادة
    السودانية ..... ستجده60%منهم عائدون من الإغتراب وأكملوا دراستهم في الســـودان
    وتفوقوا ....... لكم أن تحكموا لوحدكم على اي المستويات أفضل ؟؟؟؟
  • ا ابو وائل  -  وا حسرتاه
    ابنتى نجحت فى الثانوية السعودية بنسبة 10/99 علمى والتحصليلى 84 زالقدرات 86
    ولكن للاسف

    ضاع الحلم من قبل المتسلطين والمتعسفبن نقول حسبنا الله ونعم الوكيل
  • مجهول
    على فكرة اولاد المغتربين مفتحين وقرايتم الماعجباكم دي لمن نمشي بشهادة سوداني لاي
    دولة اوربية مابيعترفو بيها لانو السودان مافية جامعة معترف بها دوليا غير الخرطوم
    التي سحب اعتمادها 2007 باي
علق
بيانات الاتصال:
تعليق:
Security
الرجاء ادخال الكود الموضح في الصورة

!joomlacomment 4.0 Copyright (C) 2009 Compojoom.com . All rights reserved."